ಪಿಕಲಾಟಗಳು!

ಮದುವೆ ಮನೆಯಲ್ಲಿ ಮದುಮಗನ ಚಪ್ಪಲಿ ಹುದುಗಿಸಿ ದುಡ್ಡು ವಸೂಲಿ ಮಾಡುವ ಪದ್ಧತಿ ತೋರಿಸಿಕೊಟ್ಟ' 'ಹಂ ಆಪಕೆ ಹೈ ಕೌನ್' ಸಿನಿಮಾ ಬಂದು ವರ್ಷಗಳೇ ಕಳೆದಿದ್ದರೂ, ಅನುಭವ ಇರಲಿಲ್ಲ. ಸಂಪ್ರದಾಯಿಕ ಪದ್ದತಿಯಲ್ಲಿ ಮದುವೆ ಆಗುತ್ತಿದ್ದ ನನಗೆ ಈ ಪದ್ದತಿಯ ರುಚಿ ಹತ್ತಬಹುದು ಎಂಬ ಸುಳಿವು ಸಹ ನನಗಿರಲಿಲ್ಲ.
ಹೆಂಡತಿಯನ್ನು ಗೃಹಪ್ರವೇಶಕ್ಕೆ ಕರೆದುಕೊಂಡು ಹೋಗಲು ತಯಾರಾಗುತಿದ್ದಾಗ ನನ್ನ ಚಪ್ಪಲಿ ನಾಪತ್ತೆ. ನಾದನಿಯರು 2000 ರೂಪಾಯಿ ಕೇಳಿದಾಗಲೇ ನಾನು ಹಳ್ಳಕ್ಕೆ ಬಿದ್ದಿದ್ದು ಗೊತ್ತಾಗಿತ್ತು. ಆಗ ನನಗೆ ನೆನಪಾಗಿದ್ದು ನನ್ನ ಹಳೆಯ ಬಿಗ್ ಬಜಾರ್ ಚಪ್ಪಲಿ.  ತಯಾರಿಗೆ 4 ದಿನಗಳು ಮಾತ್ರ ನಾನು ಇದ್ದ ಕಾರಣ ಹೊಸ ಚಪ್ಪಲಿ ತೆಗೆದುಕೊಳ್ಳಬೇಕು ಎಂಬ ವಿಚಾರವು ಮರೆತು ಹೋಗಿತ್ತು.
ನನ್ನ ಮನೆಯವರೆಲ್ಲ ಆಗಲೇ ಮುಂದಕ್ಕೆ ಹೊರಟಿದ್ದರಿಂದ ಹೆಂಡತಿಗೆ ಚೌಕಾಸಿಯ ಜವಾಬ್ದಾರಿ ಬಿಟ್ಟೆ. ಅಂತು ಇಂತೂ 800 ರೂಪಾಯಿ ವ್ಯವಹಾರ ಕುದುರಿ, ಮಾವನ ಮನೆ ಬಿಡುವಾಗ 'ಪಾದುಕರಹಿತ' ಪರಿಸ್ತಿತಿಯಿಂದ ಪಾರಾದೆ.
ಮರುದಿನ ಮನೆದೇವರ ದರ್ಶನಕ್ಕೆ೦ದು ಯಾಣಕ್ಕೆ ಹೋದಾಗ ಕಿತ್ತು ಬಂದ ಚಪ್ಪಲಿ ನೋಡಿ 'ಛೆ! ಮದುವೆಯ ದಿನ ಚಪ್ಪಲಿ ಬಿಟ್ಟು ಬಂದಿದ್ದರೆ ಸ್ವಲ್ಪ ದುಡ್ಡಾದರೂ ಉಳಿಯುತ್ತಿತ್ತು' ಅನಿಸಿದ್ದು ಸುಳ್ಳಲ್ಲ!!

ಮದುವೆ ಆಯಿತು. ಹೆಂಡತಿ ನನ್ನೊಡನೆ ಇಂಗ್ಲಿಷ್ ನೆಲದ ಗೂಡಿನಲ್ಲಿ ನೆಲೆ ಊರಿ, ಸಂಸಾರ ನೌಕೆಯ ದಿಕ್ಕು ದಿಶೆ ಕಂಡುಕೊಳ್ಳುವ ಪ್ರಯತ್ನದಲ್ಲಿದ್ದೆ. ಇಂಗ್ಲಿಷ್ ವಾತಾವರಣದ ಪರಿಚಯ ಇದ್ದ ನಾನು ಮಾವನ ಮನೆಯಲ್ಲಿ ಕೊಟ್ಟಿದ್ದ (ನನ್ನವಳ ಶಬ್ದದಲ್ಲಿ ಹೇಳಬೇಕೆಂದರೆ 'ವರೋಪಚಾರಕ್ಕೆ' ಕೊಟ್ಟಿದ್ದ) ಕೊಡೆಯನ್ನು ನನಗಾಗಿ ತರಿಸಿ ಕೊಂಡಿದ್ದೆ. ಮದುವೆ ಆದ ಹೊಸ ದಿನಗಳಲ್ಲಿ ಮಳೆ ಬರುವ ದಿನಗಳಲ್ಲಿ ಹೆಂಡತಿ ನೆನಪು ಮಾಡಿ ಕೊಡೆ ಕೊಟ್ಟು ಆಫೀಸಿಗೆ ಕಳುಹಿಸಿದಾಗ ಏನೋ ಸಂಭ್ರಮ!
ಆ ದಿನ ಮೋಡ ಕವಿದ ವಾತಾವರಣ ನೋಡಿ ಕೊಡೆ ಹಿಡಿದು ಹೊರಟ ನನಗೆ, ಮೋಡ ತಿಳಿ ಆದ ಹಾಗೆ ಕೊಡೆಯ ನೆನಪು ತಿಳಿಯಾಯಿತು. ಎರಡು ದಿನದ ನಂತರ ಮತ್ತೆ ಮಳೆ ಬಂದಾಗ ಹೆಂಡತಿಯ ಗಮನಕ್ಕೆ ಬಂದಿದ್ದು ಮಾಯವಾದ 'ವರೋಪಚಾರದ' ಕೊಡೆ. ಅದರ ಮೇಲೆ ಸೆಂಟಿ dialogueಗಳು, ದಿನವಿಡೀ ಹುಡುಕಾಟ ಮತ್ತೆ ಸೆಂಟಿ dialogueಗಳು ಇದು ಯಾವದು ಸಂಸಾರಸ್ತರಿಗೆ ಹೊಸದಲ್ಲ!  ಮತ್ತೆ 3 ದಿನಗಳ ನಂತರ ತಂದ ಕೊಡೆ ಒಂದೇ ವಾರದಲ್ಲಿ ಕೈ ಕೊಟ್ಟು, ಅದರ ಕಡ್ಡಿಗಳು ಕೈಗೆ ಬಂದಾಗ ಮಳೆಯ ಜೊತೆ  ಸೆಂಟಿ dialogueಗಳು ಸುರಿದು ನೆನೆದು ತೊಪ್ಪೆಯಗಿದ್ದೆ. ಮೊನ್ನೆ ಜೋರಾಗಿ ಬೀಸಿದ ಗಾಳಿಯಲ್ಲಿ ಮತ್ತೊಂದು ಕೊಡೆ ಮುರಿದಾಗ ನನ್ನವಳು ಹೇಳಿದ್ದು ' ಅಯ್ಯೋ! ನಿಮಗೆ ಕೊಡೆಯ ಸಾಲವಳಿ ಇಲ್ಲ ಬಿಡಿ!!' ಸಂಸಾರ....

ಗಾಳಿಪಟ

'ಗಾಳಿಪಟ' ಈ ಶಬ್ದವೇ ಒಂದು ಸಂತೋಷದ ಅಲೆಯನ್ನು ತರಬಲ್ಲದು.

ಸ್ವಚಂದವಾಗಿ ಹಾರಾಡುತ್ತಿದ್ದರೂ ಕಾಣದ ದಾರದಿಂದ ನಿಯಂತ್ರಿಸಲ್ಪಡುವ ಗಾಳಿಪಟ ತಲತಲಾಂತರದಿಂದ ಕುತೂಹಲ ಕೆರಳಿಸಿದೆ. ಉತ್ತರ ಭಾರತದ ಕೆಲವು ಕಡೆ ಗಾಳಿಪಟ ಸಂಕ್ರಾಂತಿ ಹಬ್ಬದಲ್ಲಿ ಊರಿನ ಜನರೆಲ್ಲಾ ಕೂಡಿ ಹಾರಿಸುತ್ತಾರೆ ಅಂತ ಕೇಳಿದ್ದೇನೆ.  ಅನೇಕ ಮಹತ್ವದ ವ್ಯೆಜ್ಞಾನಿಕ ಕನಸುಗಳಿಗೂ, ಸುಂದರವಾದ ಕೃತಿಗಳಿಗೂ, ಕವನಗಳಿಗೂ ಕಾರಣವಾಗಿರುವ ಗಾಳಿಪಟ ಅನೇಕರ ಬಾಲ್ಯದ ಒಂದು ಅವಿಭಾಜ್ಯ ಅಂಗ. 

ಗಾಳಿಪಟ ಮಾಡುವದರಲ್ಲಿ ಎತ್ತಿದ ಕೈ ಆಗಿದ್ದ ನನಗೆ ಇಲ್ಲೊಂದು 'ಅಂತರಾಷ್ಟ್ರಿಯ ಗಾಳಿಪಟ ಹಬ್ಬ' ಇದೆ ಅಂದಾಗ ಕಣ್ಣು ಅರಳಿದ್ದು ಸುಳ್ಳಲ್ಲ. ಗಾಳಿಪಟ ಹಾರಿಸುವ ಯೋಚನೆ ಇರದೇ ಇದ್ದರು, ಫೋಟೋಗ್ರಫಿಗೆ ಒಂದು ನೆಪ ಸಿಕ್ಕಿತ್ತು.

ಅಂದು ಮೊದಲ ಬಾರಿ ಇಂಗ್ಲೆಂಡ್ನಲ್ಲಿ 'traffic jam'ಅನುಭವ.

ಅಗಸ್ಟೆ ಮುಗಿಲ ಕಡೆಗೆ ಮುಖ ಮಾಡುತ್ತಿದ್ದ ಗಾಳಿಪಟಗಳು ಕಂಡಿದ್ದು ಹೀಗೆ.

ತಲೆ ಮೇಲೊಂದು ಮೊಸಳೆ!

ಸಿನಿಮೀಯವಾಗಿ ಕಾಣುವ ಗಾಳಿ 'ಪಟ್ಟಿ' ಗಳು

ಚಕ್ರಾಕಾರದ ವಿನ್ಯಾಸ.

ಧರೆಗಿಳಿಯುತ್ತಿರುವ ಭೂತ!

ಬಾನಲ್ಲಿ ಒಂದು ಒಕ್ಟೊಪಾಸ್ 

ಬಣ್ಣದ ಬಾವಲಿ 

ನಮ್ಮ ಮೆಚ್ಚಿನ ಪೋಸ್ಟಮ್ಯಾನ

ಹುಲಿ ಹಿಡಿಯುತ್ತಿರುವ ಕಾರ್ಟೂನ್ ಹಂದಿ!

ಕೋಪಗೊಂಡ ವ್ಯಾಘ್ರ 

ಸುಸ್ತಾಗಿ ನೆಲಕ್ಕುರುಳಿದ ಬೌ ಬೌ!

ದಡಿಯರನ್ನೇ ಎತ್ತುತ್ತಿದ್ದ ದ್ಯೆತ್ಯ ಚಕ್ರಗಳು 

ಸಂಗೀತ ಗಾಳಿಪಟಗಳು. ಈ ಗುಂಪು Los Angelis ಇಂದ ಬಂದಿದ್ದು! ಗಾಳಿಪಟ ಹಾರಿಸುವುದೇ ಇವರ ಉದ್ಯೋಗ! ಎಂಟು ಗಾಳಿಪಟಗಳು ಸಂಗೀತಕ್ಕೆ ತಕ್ಕಂತೆ ಒಟ್ಟಾಗಿ ಹಾರುತ್ತಿದ್ದರು ದಾರ ಗಂಟು ಬೀಳದಂತೆ ಒಟ್ಟಾಗಿ ಹರಿಸುವ ಕೈಚಳಕ 

ಮೆಚ್ಚುವಂತದ್ದು.

ಗಗನದಲ್ಲಿ ಚಿತ್ತಾರ ಬರೆದ ಕಲಾಕೃತಿಗಳು!

ಸಾಮಾನ್ಯದಂತೆ ಕಂಡರೂ ಮನ ಸೆಳೆದ ಭಾವುಕ ಮಗುವಿನ ಚಿತ್ರ ಏನೋ ಕಥೆ ಹೇಳಿದಂತಿತ್ತು.

ನಿಮ್ಮ ಯೋಚನೆಗಳನ್ನು ಕಮೆಂಟ್ ಅಲ್ಲಿ ಬರೆದು ತಿಳಿಸಿ.

ಪ್ರಯಾಣ ಕಥನ-೨ (Rhossilli Bay)

ಮತ್ತೊಂದು ವಾರಾಂತ್ಯ! ಮತ್ತೊಂದು ಪ್ರಯಾಣ ಕಥನ!
ಇಂಗ್ಲಂಡ್ ಅಲ್ಲಿ ಒಂದು ಪ್ರಚಲಿತ ಗಾದೆ ಮಾತಿದೆ. “In England never trust 3 'W 's. Weather, Women and work”
ನನಗೆ ಇದರ ಅರಿವಿದ್ದರು ಅನುಭವ ಇರಲಿಲ್ಲ.
ಕಳೆದ ವಾರ ಇಂಗ್ಲಂಡನ ಪಶ್ಚಿಮದ ತುದಿಯಾದ 'Rhosilli Bay' ಗೆ ಹೋಗುವ ಅವಕಾಶ ಬಂದಿತ್ತು.
ಪೂರ್ತಿ ಸಮುದ್ರ ತೀರದಿಂದ ಸುತ್ತುವರೆದಿವ Gower ಪ್ರಾಂತ್ಯ ಸುಂದರವಾದ ಪ್ರದೇಶ. Wales ನಲ್ಲಿ ಬರುವ ಈ ಪ್ರಾಂತ್ಯ ಪ್ರವಾಸಿಗರನ್ನು ಆಕರ್ಷಿಸುತ್ತದೆ! ಸಂಗೀತ ಪ್ರಿಯರು, ಸೌಂದರ್ಯ ಪ್ರಿಯರು ಅದ Wales ಜನರನ್ನು ಮಾತ್ರ ಸ್ವಲ್ಪ ದೂರವೇ ಇಡುತ್ತಾರೆ!
ನಾವು ೩ ಜನ. Swansea ಎಂಬ ಊರಿಗೆ ಹೋಗಿ ಅಲ್ಲಿಂದ ಮುಂದೆ ಪ್ರಯಾಣ ಬೆಳೆಸುವ ಆಲೋಚನೆ ನಮ್ಮದು. ಬೆಳಿಗ್ಗೆ ೭ ಗಂಟೆಗೆ ಹೊರಟಾಗ   ಮಳೆಯ ಲಕ್ಷಣಗಳು ಕಾಣುತ್ತಿತ್ತು. ಈ ಬೇಸಿಗೆಯ ದಿನದಲ್ಲಿ ಇನ್ನೆಸ್ಟು ಮಳೆ ಬರಬಹುದು ಎಂಬ ಹುಂಬು ದ್ಯೆರ್ಯದಿಂದ ಹೊರಟ ನಮಗೆ  Swansea ಹೆದರಿಕೆ ತಂದಿತ್ತು. ಹಿಂದಿನ ದಿನ ತುಂಬು ಬೇಸಿಗೆಯಂತೆ ಕಾಣುತ್ತಿದ್ದ ಪರಿಸರ ಒಂದೇ ದಿನದಲ್ಲಿ ಕೊರೆಯುವ ಚಳಿ, ಮಳೆ ಗಾಳಿ ಇಂದ  ಬೆಚ್ಚಿ ಬೀಳಿಸಿತ್ತು. ಕೊಡೆ ಹಾರಿ ಹೋಗುವ ತರದಲ್ಲಿ ಗಾಳಿ ಬೀಸುತಿತ್ತು.ಅಲ್ಲಿಂದ ತಿರುಗಿ ಹೋಗಿ ಬಿಡುವ ಯೋಚನೆ ಬಂದಿದ್ದು  ಸಹಜ. ಆದರೆ ಸಾಯಂಕಾಲದ ವರೆಗೆ ಸಮಯ ತಳ್ಳಲೇ ಬೇಕಿತ್ತು.
ಸುಮಾರು ೧೦ ಗಂಟೆಯ ಸಮಯಕ್ಕೆ ವಾತಾವರಣ ಸ್ವಲ್ಪ ತಿಳಿಯಾದಾಗ ನಮ್ಮ ಪ್ರವಾಸಕ್ಕೆ ಮತ್ತೆ ಜೀವ ಬಂತು. ಬೇಸಿಗೆಯಲ್ಲಿ ಎಲ್ಲೆಲ್ಲು ಹಸಿರು ತುಂಬಿರುವ ಹಳ್ಳಿಗಾಡು ನೋಡಲು ತುಂಬಾ ಚಂದ! ಹೈನುಗಾರಿಕೆ ಪ್ರಮುಖವಾಗಿರುವ ಈ ದೇಶಗಲ್ಲಿ ಎಲ್ಲಿ ನೋಡಿದರು ಕುರಿ, ದನ ಮೇಯುತ್ತಿರುವ ಹುಲ್ಲುಗಾವಲುಗಳು ಮಾತ್ರ ನೋಡಲು ಸಿಗುತ್ತವೆ. ನಮ್ಮೊರಿನಂತೆ ಬೇರೆ ಬೇರೆ ಗಿಡ ಮರಗಳು
ಇರದೇ ಇದ್ದರೂ ಎಲ್ಲಿ ನೋಡಿದರು ಹಸಿರು ಕಾಣುತ್ತದೆ.
ಹುಳದ ತಲೆಯನ್ನು ( worms head) ಹೋಲುವ Rhosilli Bay ತುಂಬಾ ಸುಂದರವಾದ ಜಾಗ.